Heimastjórn sátt við breytingar í Berufirði
Heimastjórn Djúpavogs gerir ekki athugasemdir við tilkynningu Fiskeldis Austfjarða vegna fyrirhugaðra breytinga á staðsetningu eldissvæða og útsetningaráætlun í Berufirði, sé skilyrðum laga og reglugerða mætt.Þetta kemur fram í fundargerð af fundi heimastjórnarinnar í morgun. Um var að ræða eina málið á dagskrá fundarins.
„Jafnframt fagnar Heimastjórn áframhaldandi uppbygginu í tengslum við fiskeldi á svæðinu,“ segir einnig í fundargerðinni.
Fyrr í mánuðinum gaf Umhverfisstofnun út tillögu að nýju starfsleyfi til Fiskeldis Austfjarða vegna eldis í Berufirði. Þar kemur fram að starfsleyfið tekur til framleiðslu á 9.800 tonnum af laxi frjóum eða ófrjóum í Berufirði. Starfsleyfið nær til þriggja staðsetninga í Berufirði þ.e. við Svarthamar, Hamraborg og Hamraborg
Með gildistöku þessa starfsleyfis fellur úr gildi eldra starfsleyfi Fiskeldi Austfjarða hf. í Berufirði frá 4. október 2012, fyrir framleiðslu á allt að 6.000 tonnum af laxi og 2.000 tonnum af regnbogasilungi á ári.
Mynd: ust.is
