Gullver NS landar við Strandarbakka á Seyðisfirði
Gullver NS er að landa á Seyðisfirði í dag. Gullver landar við Strandarbakka en þetta mun í fyrsta sinn sem fiski er landað þar.Fjallað er um málið á vefsíðu Síldarvinnslunnar. Þar segir að afli skipsins sé 65 tonn og er uppistaðan þorskur og ýsa.
„Vegna hamfaranna í desember er ekki landað úr skipinu við frystihúsið heldur við Strandarbakka. Er þetta í fyrsta sinn sem fiski er landað þar en ferjan Norræna er afgreidd við Strandarbakka,“ segir á vefsíðunni.
Að sögn Ómars Bogasonar er gert ráð fyrir að vinnsla í frystihúsinu geti hafist í fyrri hluta næstu viku en unnið er að hreinsunarstarfi á Seyðisfirði af eins miklum krafti og unnt er.
