Fólk hvatt til að fara í skimun fyrir austurferð
Fólk, sem hyggur á ferðir til Austurlands um jól og áramót, er hvatt til að fara í skimun fyrir Covid-19 áður en haldið er á stað. Hægt er að panta skimun sérstaklega fyrir austurferð í gegnum vefinn Heilsuveru.Þegar farið er inn á heilsuvera.is er fyrst valið að „bóka einkennasýnatöku“ síðan „velja staðsetningu sýnatöku“ og haka við „vegna nauðsynlegs ferðalags á Austurland“ undir „merktu við Covid-19 einkenni“
Nái fólk ekki í skimun fyrir ferðina er brýnt fyrir því að fara sérstaklega varlega.
Þetta á bæði við um þá sem ætla austur í jólafrí sem og þá sem þurfa starfs síns vegna að koma austur vegna náttúruhamfaranna á Seyðisfirði. Í tilkynningu aðgerðastjórnar almannavarna á Austurlandi segir að í kjölfar þeirra sé einkar mikilvægt að gæta að sóttvörnum.
Minnt er á grímunotkun, tveggja metra fjarlægð milli fólks, handþvott, sprittnotkun en síðast en ekki síst tillitssemi og gagnkvæma virðingu.
Ekkert Covid-smit er á Austurland né heldur nokkur í sóttkví.