Fjarðabyggð með ódýrustu gjöldin fyrir grunnskólabörn
Ef öll gjöld fyrir grunnskólabörn, gjöld fyrir skóladagvistun, síðdegishressingu og skólamat, eru tekin saman er Fjarðabyggð með lægstu gjöldin, 22.470 kr. á mánuði. Samtals munar um 95% á þessum gjöldum hjá Fjarðabyggð og því sveitarfélagi þar sem gjöldin eru hæst sem er á Seltjarnarnesi.Þetta kemur fram á vefsíðu Fjarðabyggðar þar sem fjallað er um verðlagskönnun á þjónustu við grunnskólabörn sem Alþýðusamband Íslands birti á dögunum. Í könnuninni eru borin saman gjöldium fyrir skóladagvistun og skólamat í 15 stærstu sveitarfélögum landsins.
„Fjarðabyggð er eina sveitarfélagið í könnuninni, þar sem heildarkostnaður fyrir skóladagvistun, síðdegishressingu og skólamat lækkar á milli ára og nemur lækkunin um 10%. Á árlegum grunni eru fyrrgreind gjöld nær 200.000 kr. ódýrari í Fjarðabyggð en á Seltjarnarnesi.
„Munar þar mestu um að verð fyrir skólamáltíðir er afar hagstætt í Fjarðabyggð. Fjarðabyggð bíður upp á langódýrstu skólamáltíðirnar af þeim sveitarfélögum sem þarna eru borinn saman. Undanfarinn ár hefur verið unnið að því að gera skólamáltíðir í Fjarðabyggð gjaldfrjálsar og er stefnt að því að ljúka þeirri vinnu í haust,“ segir á vefsíðunni.