Engar ákvarðanir á fundi Ofanflóðasjóðs
Hafsteinn Pálsson framkvæmdastjóri Ofanflóðasjóðs segir að á fundi sjóðsins í dag hafi aðallega verið farið yfir stöðuna á Seyðisfirði en engar ákvarðanir verið teknar um framhaldið.„Við vorum að fara yfir þær upplýsingar sem liggja fyrir hvað Seyðisfjörð varðar,“ segir Hafsteinn. „Hinsvegar voru engar ákvarðanir teknar af hálfu stjórnar sjóðsins að svo stöddu um framhaldið.“
Eins og áður hefur komið fram í fréttum mun Náttúruhamfarasjóður borga það tjón sem þegar hefur orðið á Seyðisfirði. Hinsvegar er það í höndum Ofanflóðasjóðs að sjá um greiðslur ef svo fer að þau hús sem eftir standa við Fossgötu og Hafnargötu verði rifin af öryggisástæðum.