Byggja tvíbreiða brú yfir Gilsá á Völlum í ár
Vegagerðin hefur kynnt fyrirhugaðar framkvæmdir í ár við nýja tvíbreiða 46 m langa brú á Skriðdals- og Breiðdalsvegi (95) yfir Gilsá á Völlum í Múlaþingi.Fjallað er um málið á vefsíðu Vegagerðarinnar. Þar segir að í tengslum við byggingu nýrrar brúar þarf að endurbyggja Skriðdals- og Breiðdalsveg á 1,2 km löngum kafla.
"Vegagerðin áætlar að vegur og brú verði byggð árið 2021 og hægt verði að taka mannvirkið í notkun haustið 2021," segir á vefsíðunni.
"Markmið framkvæmdarinnar er að auka umferðaröryggi og stuðla að greiðari samgöngum á Skriðdals- og Breiðdalsvegi. Með nýjum vegi og nýrri tvíbreiðri brú á Gilsá mun umferðaröryggi aukast til mikilla muna og umferð um svæðið verða greiðari en hún er nú."
Mynd: Vegagerðin.