Austfirsk skip í öllum topp fimm sætunum
Austfirsk skip eru í öllum topp fimm sætunum yfir aflahæstu uppsjávarskipin á fyrstu tveimur mánuðum ársins.Þetta kemur fram á vefsíðu Loðnuvinnslunnar. Þar segir að Hoffell SU tróni á toppi listans með heildarafla upp á 5.293 tonn. Aflinn er að langmestu leyti kolmunni en einnig 470 tonn af síld.
Í öðru sætinu er Beitir NK með heildarafla upp á 5.049 tonn á fyrstu tveimur mánuðum ársins, þar af 2.035 tonn af loðnu og 3.024 tonn af kolmunna. Í þriðja sæti er Polar Amaroq með 3.418 tonn allt loðna. Í fjórða sæti er Börkur NK með 3.337 tonn og Jón Kjartansson SU er í fimmta sæti með 3.273 tonn.
