Impra nýsköpunarmiðstöð gengst nú í ellefta sinn fyrir svokölluðum Brautargengisnámskeiðum á landsbyggðinni. Haustið 2008 er áætlað að halda námskeiðið á þremur stöðum á landinu, þ.e. á Reyðarfirði, Akureyri og Suðurnesjum(Keilissvæði). Alls hafa yfir sjö hundrað konur víðs vegar um land lokið Brautargengisnámskeiði frá upphafi.
Fjarðabyggð og Höttur unnu í gær mikilvæga sigra í 1. og 2. deild karla
í knattspyrnu. Huginn er kominn í úrslit þriðju deildar og Sindri er
við þröskuldinn. Höttur er kominn í úrslit 1. deildar kvenna.
Vinir og ættingjar Hrafnkels A. Jónssonar, fyrrv. formanns Verkalýðsfélagsins Árvakurs á Eskifirði, varaþingmanns Sjálfstæðisflokksins og forstöðumanns Héraðsskjalasafnsins á Egilsstöðum, sem lést á síðasta ári, hafa ráðist í útgáfu minningarbókar um Hrafnkel. Sjá tilkynningu frá útgefendum.
Starfsmenn AFLs hafa eina ferðina enn haft afskipti af austfirsku
veitingahúsi sem skráir erlenda starfsmenn sína sem ferðamenn svo þeir
þurfa ekki að borga skatta.
Í kvöldfréttum Sjónvarpsins í gærkvöldi kom fram að Flosi Jón Ófeigsson á Egilsstöðum telur erfiðara fyrir samkynhneigða að koma út úr skápnum úti á landi. Flosi er samkynhneigður.
Hann segist hafa komið út úr skápnum þegar hann fluttist til Reykjavíkur um tíma. Hann segist líka hafa orðið fyrir grimmu einelti vegna þess hvernig hann var í skólanum á Egilsstöðum. Flosi tók fram að hann líður betur í dag. Í viðtali við Rás 2 í gær segist hann þekkja nokkra homma á Fljótsdalshéraði og þeir reyni að hittast annað slagið, fari í útilegar og annað slíkt.
Til að horfa á fréttina á RÚV er hægt að smella hér.
Listaverk eftir bandaríska listamanninn Paul McCarthy, annan hönnuða
Macy’s í Eiðaskógi, tókst á loft frá lægi sínu á sýningu í Sviss í
seinustu viku. Verkið, risavaxinn uppblásinn hundaskítur, felldi
rafmagnslínu og braut glugga áður en það lenti í leikskólagarði.
Forsvarsmenn Þekkingarnets Austurlands hefur kynnt hugmyndir um stofnum
Rannsóknarsjóðs Austurlands. Tilgangur hans á að vera að efla
rannsóknarstarf á Austurlandi og beina stuðningi ríkis, sveitarfélaga
og atvinnulífs í sameiginlegan farveg.