Sjaldan hefur verið mikilvægara en nú að hlú að fólki með góðar hugmyndir. Hér á Austurlandi úir og grúir af slíku fólki. Hugmyndirnar eru sumar hverjar hrein snilld og borðleggjandi, aðrar eiga lengra í land en samt fullan rétt á sér.
Meðal efnis í blaðinu er umfjöllun um hversu raunverulegir möguleikar Vopnfirðinga og Langnesinga til uppbyggingar í tengslum við olíuleit á Drekasvæðinu eru, fjallað er um mótmælafundinn á Egilsstöðum síðastliðinn laugardag, veiðikvóta hreindýra í ár og þorrablótsvertíðina á Austurlandi. Magnús Már Þorvaldsson skrifar samfélagsspegil blaðsins að þessu sinni og matgæðingurinn er á sínum stað með lystilegar uppskriftir.
Austurglugginn fæst á öllum betri blaðsölustöðum á Austurlandi. Áskriftarsími er 477-1571.
Ráðstefna um Vatnajökulsþjóðgarð verður haldin á Hótel Héraði Egilsstöðum föstudaginn 23. janúar n.k. Þórunn Sveinbjarnardóttir umhverfisráðherra flytur opnunarávarp og í kjölfarið stíga fjölmargir framsögumenn á stokk. Fjalla á um þjóðgarðinn og tækifæri sem hann skapar í ferðaþjónustunni.
Ég er ein þeirra sem nota bókasafnið mjög mikið og hef alltaf gert. Hugsa að ég hafi byrjað að nota safnið um 10 – 12 ára aldur og allar götur síðan. Mikið vatn er til sjávar runnið síðan þá og margt breyst til batnaðar og er þá fyrst að telja glæsilega aðstöðu sem safnið er nú loksins komið í. Meiri bókakostur er nú fyrir hendi og meira segja tölva á staðnum fyrir gesti.
Mennaskólinn á Egilsstöðum tryggði sér í kvöld sæti í fjórðungsúrslitum spurningakeppni framhaldsskólanna, Gettu betur. Liðið lagði lið Menntaskólans á Ísafirði í gríðarlega spennandi keppni, 16-14. Menntskælingar gátu ekki dulið hamingju sína eftir keppnina.
Dr. Þórólfur Matthíasson hagfræðiprófessor ritar sitt lokasvar til Smára Geirssonar og Þorvaldar Jóhannssonar varðandi aðdraganda efnahagshrunsins á Íslandi.
---
Sjá áður birtar greinar: Frá velsæld til vesældar, Miklir glæpamenn erum vér, Fullar hendur smjörs? og Smjörklípumeistara svarað.
Á stjórnarfundi AFLs Starfsgreinafélags í gærkvöld var eftirfarandi ályktun samþykkt: "Stjórn AFLs Starfsgreinafélags undrast aðgerðarleysi stjórnvalda í þeim vanda sem efnahagsmál þjóðarinnar eru í. Þolinmæði íbúanna eru á þrotum og mótmæli á götum úti aukast frá degi til dags. ...
Vegagerðin varar við því að flughálka sé nú á Sandvíkurheiði, Hárekstaðaleið og víðar. Ófært er um Fjarðarheiði vegna óveðurs, þæfingsfærð um Oddsskarð, Vopnafjarðarheiði, á Möðrudalsöræfum og krapasnjór er á Fagradal. Mikil hálka er á flestum leiðum.
Grunnskólinn á Egilsstöðum og Eiðum hefur aflýst skóla hjá 1.-5. bekk.
Heimilt verður að veiða þrettán hundruð þrjátíu og þrjú hreindýr á tímabilinu 1. ágúst til 15. september 2009, samkvæmt auglýsingu Umhverfisstofnunar. Að auki verður heimilt að veiða hreindýrskálfa sem fylgt hafa felldum kúm, en þá skal fella sé þess kostur. Langflest dýrin, eða sex hundrað og sjötíu, verður heimilt að veiða á Norður-Héraði.