Fátt virðist benda til að nokkur loðnuvertíð verði þetta árið. Flest fjölveiðiskip flotans eru á gulldepluveiðum suður af landinu eða á kolmunna vestur af Írlandi. Útgerðin á Austurlandi verður fyrir verulegum skakkaföllum, enda uppsjávarveiðiskip þar stór hluti. Þrátt fyrir lélega vertíð í fyrra skapaði hún um níu milljarða króna í útflutningsverðmæti. Síðustu fimm árin hafa þau verið á milli 6 og 10 milljarðar að jafnaði, en árið 2002 var sérlega gott þegar útflutningsverðmæti loðnu fór yfir 20 milljarða króna. Svo virðist sem fiskifræðingar búist einnig við arfaslakri loðnuvertíð á næsta ári, en betur horfi fyrir 2011 vegna mikils seiðafjölda og verulegrar útbreiðslu þeirra. Þó eru áhyggjur af hversu loðnan hefur lítið komið til hrygningar nú upp á síðkastið.
Jónína Rós Guðmundsdóttir skrifar:Það er mikið talað um starfskenningu fagstétta núna, hver starfsmaður er hvattur til að vera meðvitaður um á hvaða lífssýn og fræðum hann byggir starf sitt.Það er meinhollt fyrir alla að fara í svona naflaskoðun.Ég held að það sé engri stétt hollara en stjórnmálafólki að spyrja sig stöðugt að því hvort það sé að vinna samkvæmt sinni lífssýn og stefnu.
Talningu í forvali Vinstri grænna í Norðausturkjördæmi lauk í gærkvöld og var kjörsókn tæplega 63%. Einn kjörseðill var úrskurðaður ógildur. Alls gaf 21 félagi kost á sér í forvalinu. Steingrímur J. Sigfússon fékk afgerandi kosningu í fyrsta sætið en alls var kosið í átta sæti. Þuríður Backman er í öðru sæti og Björn Valur Gíslason í því þriðja.
Skólahreysti MS með austfirskum grunnskólum verður haldin í Íþróttamiðstöðinni á Egilsstöðum 19. mars kl. 15. Í fréttatilkynningu frá Skólahreysti segir að mikill gangur sé í keppnum og hafi tvö Íslandsmet fallið nú síðast. Þá er sprottinn upp nýr Íslandsmeistari í armbeygjum; Unnbjörg J. Ómarsdóttir í Réttarholtsskóla tók heilar 80 armbeygjur sem vart á að vera mögulegt. Austfirskir þátttakendur í Skólahreysti MS þurfa því að setja markið hátt.
Stjörnusjónaukinn á nú fjögur hundruð ára afmæli. Í tilefni þess eiga framhaldsskólanemar á Norðurlöndum möguleika á að komast til eyjarinnar La Palma á Kanaríeyjum. Skrifa þarf ritgerð um eitthvað sem tengist stjarnvísindum og munu höfundar bestu ritgerðar á hverju Norðurlandanna fara saman til La Palma og skoða stjörnur himinsins í Norræna stjörnusjónaukanum, sem er fullkominn 2,6 m spegilsjónauki.
Meðal efnis í nýjum Austurglugga er viðtal við samgönguráðherra, þar sem farið er ofan í samgönguframkvæmdir á Austurlandi næstu misseri og líkur á byggingu nýrrar samgöngumiðstöðvar við Reykjavíkurflugvöll í ár. Rætt er við stjórnarformann Markaðsstofu Austurlands um tíu ára afmæli stofunnar og landslag austfirskrar ferðaþjónustu. Prófkjör setja mark sitt á blaðið og Elma Guðmundsdóttir í Neskaupstað skrifar um Færeyjaferð. Matgæðingur vikunnar er rekstraraðili Valaskjálfar, Dagmar Jóhannesdóttir.
Salka, félag Ungra Jafnaðarmanna á Akureyri, hvetur íbúa í Norðausturkjördæmi til að taka þátt í opnu prófkjöri Samfylkingarinnar í kjördæminu og taka þannig þátt í að varða veginn að breyttu samfélagi.
Á Austurlandi er nú víða þungfært og vont veður með talsverðri ofankomu.Þæfingsfærð er á Möðrudalsöræfum, þungfært á Vopnafjarðaheiði og þar er verið að ryðja. Þungfært, hálka og skafrenningur á Oddsskarði. Ófært er á Fagradal og snjóþekja og skafrenningur á Fjarðarheiði. Hálka og skafrenningur er með ströndinni Þæfingsfærð er í Skriðdal og ófært yfir Breiðdalsheiði. Búist er við að veður stillist er líður á daginn.