Amiina í strandferð
Strengjasveitin Amiina heldur tvenna tónleika á Austurlandi um helgina. Klukkan fimm í á föstudag kemur sveitin fram í Bláu kirkjunni á Seyðisfirði og á laugardag verður spilað við Dalatangavita klukkan fjögur.
Geislaþytur
Út er komin bókin Geislaþytur, Úrval sagna og ljóða eftir Gunnar Valdimarsson. Félag ljóðaunnenda á Austurlandi gefur út.
Formála að bókinni ritar Þorsteinn Gunnarsson, sonur skáldsins. Hann rekur stuttlega ævi föður síns og segi hana áhugaverðan spegil á líf íslensks alþýðufólks á tuttugustu öldinni.
Austurland og lífsgarðyrkjan
Austurland. Mitt fagra Austurland. Í hringiðu atburðanna en þó svo órafjarri öllum alheimslegum nöflum. Þjakað af alheimskreppu, en þó ofurlítið til hliðar við hana. Og fólkið sem fjórðunginn byggir lætur ekki deigan síga, þó efnahagslega þurfi að venda seglum um stund; það heldur ótrautt áfram að gera sitt besta og leggja til samfélagsins.
Stapamenn útiloka engar framkvæmdir
Kári Arnór Kárason, framkvæmdastjóri Lífeyrissjóðsins Stapa, segir Lífeyrissjóðina tilbúna að skoða fjármögnun sérstakra framkvæmda. Engin sérstök verkefni hafi enn verið skoðuð og því ekki afstaða tekin til þeirra.
Svívirðingunum ætlar ekki að linna
Nú kraumar sem aldrei fyrr í reiðikötlum íslensks almennings. Fólk er hreinlega brjálað yfir tilboði Björgólfsfeðga um að greiða helminginn af um sex milljarða króna skuld þeirra við Kaupþing vegna Landsbankakaupa og þá ekki síður að Kaupþing skuli telja það skoðunarvert. Þetta og skuldafjötrar íslensku þjóðarinnar vegna Icesafe og fleiri voðaverka er sem olía á eldinn sem snarkar í okkur flestum.
Tarfur felldur um kaffileytið
Hreindýraveiðar hófust í gær og fyrstu fréttir af veiði voru af tarfi sem felldur var í landi Þuríðarstaða í Fljótsdal um kaffileytið í gær. Þá var tarfur skotinn í Skriðdal nokkru síðar og annar í Hjaltastaðarþinghánni snemma í gærkvöld. Jóhann G. Gunnarsson hjá veiðistjórnunarsviði Umhverfisstofnunar telur að þrettán veiðimenn hafi verið við veiðar í gær. Veður til veiða er heldur önugt í dag, rigning, vindur, um tíu stiga hiti og skyggni takmarkað. Veiðimenn láta það þó væntanlega ekki aftra sér frá að halda galvaskir til veiða. 
Nýr Austurgluggi og fréttir úr Fljótsdalsstöð
Austurglugginn er sprækur í sumrinu. Auk frétta er stiklað á öllum helstu menningarviðburðum, spjallað við Guðjón Braga Stefánsson afburðanemanda i Danmarks Designskole og bolti vikunnar tæklaður. Með Austurglugganum fylgir nú nýtt 12 síðna upplýsingarit frá Landsvirkjun; Fréttir úr Fljótsdalsstöð. Þar er meðal annars farið yfir rekstur Fljótsdalsstöðvar, vatnsstjórnun lóna, vöktun Hálslóns og hvernig mannvirki öll hafa staðið sig, mótvægisaðgerðir af ýmsu tagi og fleiri forvitnileg mál tengd stöðinni og rekstri virkjunarinnar. Austurglugginn fæst á betri blaðsölustöðum.
Trúin flytur fjöll og menn
Heimskur er heimaalinn hundur segir máltækið og ég hef alltaf verið sannfærð um að það er tóm vitleysa. Ekki á upplýsingaöld. Líklega myndi þó fátt hreyfast úr stað ef menn færu ekki tvist og bast um veröldina með hugmyndir sínar og framkvæmdir. Sumt gott, en annað talsvert verra.
Því er ég nú að skrifa þetta að til mín hrataði tilkynning um að góð hjón á Egilsstöðum séu á leiðinni til Afríkulandsins Kenía sem kristniboðar. Þau eru kannski fyrstu austfirðingarnir sem fara gagngert til Afríku í trúboð.
Hreindýraskyttur farnar á stúfana
Hreindýraveiðitímabilið hófst í dag. Veiða má tarfa til 1. ágúst en eftir það einnig kýr og kálfa.
Tarfaveiðarnar út júlí eru skilyrtar á þann hátt að einungis má veiða tarfa sem eru ekki nálægt hreinkúm. Þá eru veturgamlir tarfar friðaðir. Veiða má 1.333 dýr á vertíðinni. 3.266 umsóknir um veiðileyfi bárust Umhverfisstofnun. Leiðsögumenn fóru með veiðimenn inn á veiðisvæði strax í nótt en ekki er vitað til að dýr hafi enn verið fellt. Veiðimenn eru hvattir til að nýta veiðitímabilið allt, en geyma ekki veiðar fram á síðasta dag. Veiðitímanum lýkur 15. september.
