Framkvæmdastjóri Þróunarfélags Austurlands hættur
Stjórn Þróunarfélags Austurlands hefur fallist á ósk framkvæmdastjóra félagsins, Stefáns Stefánssonar, um að hann fái að láta af störfum þar sem hann hefur ákveðið að skipta um starfsvettvang. Skipuð hefur verið framkvæmdastjórn með fulltrúum Fjarðabyggðar og Fljótsdalshéraðs, sem mun vinna með starfsmönnum þar til nýr framkvæmdastjóri hefur verið ráðinn.
Nýr Austurgluggi
Austurgluggi þessarar viku hefur auk frétta meðal annars að geyma umfjallanir um Þorpið, nýtt og forvitnilegt samstarfsverkefni Þróunarfélags, Þekkingarnets og Menningarráðs Austurlands og Þjóðahátíð Austfirðinga, sem haldin verður á Vopnafirði á morgun. Austurglugginn fæst á betri blaðsölustöðum.
Hér eiga allir sína eigin pumpu
,,Austfirðingar eru einstaklingshyggjumenn og hugsa ekki um sig sem heild; hver er sinnar gæfu smiður, ég bjarga mér, ég á mína eigin pumpu.“ Þetta segir Tinna Halldórsdóttir, sem gert hefur rannsókn á stöðu kvenna á Austurlandi, að tilstuðlan Tengslanets austfirskra kvenna. Rannsóknin er hluti af meistaraverkefni í félagsfræði við Háskóla Íslands. Hún tók ítarleg viðtöl við fjórtán konur í Fjarðabyggð og á Fljótsdalshéraði og lagði niðurstöðurnar fyrir rýnihóp.
Lesblindudagur 30. október
Föstudaginn 30. október mun Þekkingarnet Austurlands í samvinnu við Skólaskrifstofu Austurlands og fleiri fræðslustofnanir standa að málþingi um lesblindu. Dagskráin er mjög fjölbreytt og ætti að höfða til allra þeirra sem málið snertir. Málþingið er haldið í Fróðleiksmolanum (Afls-húsinu) á Reyðarfirði og hefst kl. 12:30. Málþingið er öllum opið.
Stuðningur heimamanna skiptir sköpum
Vaxtarsamningur Austurlands hefur stutt við um 60 verkefni til atvinnusköpunar á Austurlandi. Verkefnin eru misstór og ná yfir alla geira, þar á meðal iðnað, framleiðslu, ferðaþjónustu, sjávarútveg, menningu, matvæli og landbúnað. Samningurinn er innan vébanda Þróunarfélags Austurlands.
Nýr Austurgluggi - Dagar myrkurs
Austurglugga vikunnar fylgir innblað um Daga myrkurs með dagskrá hátíðarinnar og umfjöllunum um einstaka viðburði. Auk frétta o.fl. má í blaðinu finna grein forstjóra Alcoa á Íslandi um orku- og auðlindaskatt og svör bæjarstjóra Fljótsdalshéraðs við fyrirspurnum um ýmsa þætti í rekstri sveitarfélagsins. Austurglugganum er að þessu sinni dreift til allra heimila á Austurlandi án endurgjalds. Hægt er að gerast áskrifandi með því að senda póst gegnum ,,Hafa samband"-flipann hér að ofan.
Nýtt þorp á Austurlandi
Nú í vikunni stendur yfir kynning á hönnunar og nýsköpunarverkefninu Þorpinu – skapandi samfélagi á Austurlandi. Í gærkvöld var önnur kynning af tveimur og hin síðari verður í kvöld í Sláturhúsinu á Egilsstöðum. Blásið verður svo til málþings á Eiðum nú á fimmtudagskvöld. Meginhugmynd Þorpsins er atvinnusköpun á sviði hönnunar og framleiðslu á nytjahlutum.
AFL stefnir umsjónarmönnum peningamarkaðssjóðs Landsvaka
Stjórn AFLs Starfsgreinafélags mun fela lögmönnum félagsins að stefna umsjónarmönnum peningamarkaðssjóðs Landsvaka vegna þess tjóns sem félagið varð fyrir við uppgjör sjóðsins.
Tilefni stefnunnar er að félagið telur að sjóðsstjórar Landsvaka hafi blekkt félagið til fjárfestinga þegar ljóst var að áhættudreifing var óásættanleg.