Mikilvægar kosningar

Sameinað sveitarfélag verður sterkt og mun hafa alla burði til að takast á við fjölmörg verkefni sem framundan eru hjá þessum sveitarfélögum á næstu árum.

Það sýnir sig best á nýrri tillögu að samgönguáætlun, þar sem heilsársvegur yfir Öxi er ofarlega á blaði og fleiri nauðsynlegar framkvæmdir í fjórðungnum.

Um leið og sameinað sveitarfélag verður öflugra, rekstur hagkvæmari og þjónusta betri, er byggðakjörnunum áfram tryggt ákvörðunarvald í mikilvægum málum sem snerta nærsamfélagið, til dæmis um deiliskipulag.

Þetta er einsdæmi og gott fordæmi til framtíðar.

Ég hvet alla til að kynna sér allt um sameininguna á heimasíðu verkefnisins svausturland.is.

Mætum svo öll á kjörstað laugardaginn 26.október og verum jákvæð, takk.

Höfundur situr í sveitarstjórn Djúpavogshrepps