Birna Jóna Sverrisdóttir og Hafdís Anna Svansdóttir, keppendur UÍA á Meistaramóti Íslands í frjálsíþróttum 15-22 ára, komu báðar heim með verðlaun af mótinu. Það var haldið í Kópavogi fyrr í mánuðinum.
Sex iðkendur frá Hetti voru í síðasta mánuði kallaðir til æfinga með íslensku landsliðunum í hópfimleikum. Æfingarnar eru liður í undirbúningi Íslands fyrir þátttöku í Evrópumótinu í hópfimleikum á næsta ári.
Knattspyrnufélag Austfjarða er eftir leiki helgarinnar eitt örfárra liða í Íslandsmótinu í knattspyrnu sem ekki hefur enn tapað leik. Átta mörk voru skoruð þegar FHL vann Gróttu í Lengjudeild kvenna í gær.
Vopnfirðingurinn Dilyan Kolev tryggði sér nýverið keppnisrétt í íslensku úrvalsdeildinni í pílukasti næsta haust. Frami Kolevs í pílunni hefur verið skjótur en hann byrjaði að stunda íþróttina í Covid-faraldrinum. Hann segir góðan grunn úr íþróttum nýtast í pílunni en hann hefur spilað fótbolta með Einherja frá 2015.
Tinna Rut Þórarinsdóttir úr Neskaupstað var valin annar af bestu kantsmössurum Evrópumóts smáþjóða í blaki sem fram fór í Lúxemborg um helgina. Íslenska landsliðið vann mótið.
Knattspyrnufélag Austfjarða heldur áfram í toppbaráttu annarrar deildar karla í knattspyrnu eftir 3-1 sigur á Víkingi Ólafsvík á heimavelli um helgina. Línur eru teknar að skýrast í deildinni eftir tvær umferðir í nýliðinni viku.
Knattspyrnufélag Austfjarða og Höttur/Huginn skildu jöfn þegar liðin mættust í annarri deild karla á föstudagskvöld. Spyrnir og FHL unnu sína leiki en Einherji tapaði um helgina.
Höttur/Huginn vann sinn fyrsta leik í annarri deild karla í sumar meðan KFA lék sinn fjórða leik án taps. FHL féll úr leik gegn úrvalsdeildarliði FH í bikarkeppni kvenna og Einherji vann sinn annan leik í röð í annarri deild kvenna.