Síðastliðinn laugardag var úthlutað úr Spretti, afrekssjóði UÍA og Alcoa 950.000 krónum til efnilegra íþróttamanna, þjálfara og íþróttafélaga á Austurlandi. Úthlutað er úr sjóðunum tvisvar á ári að vori og hausti og var þetta seinni úthlutun ársins. Að þessu sinni bárust 28 umsóknir í sjóðinn og 18 þeirra hlutu styrk.
Höttur er á góðri siglingu í fyrstu deild karla í körfuknattleik eftir 86-97 sigur á Breiðabliki í Kópavogi á föstudagskvöld. Leikurinn var hnífjafn en Hattarmenn voru öflugri á endasprettinum.
Fimleikadeild Hattar, Ungmenna- og íþróttasamband Austurlands og Menntaskólinn Egilsstöðum skrifuðu á laugardag undir samstarfssamning um afrekshóp í fimleikum á Austurlandi. Markmiðið með hópnum er að styðja við þá sem vilja ná lengra í íþróttinni en jafnframt búa lengur í heimabyggð.
Snjórinn er kominn í Oddsskarð og verður opnað þar klukkan 16:00. Svæðið verður opið alla daga vikunnar fram til sunnudagsins 9. desember, eftir því sem veður leyfir.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.