Valdís Kapitola valin blakkona ársins

Valdís Kapitola Þorvarðardóttir úr Neskaupstað hefur verið blakkona ársins af Blaksambandi Íslands.

Valdís, sem er 22ja ára gömul, ólst upp hjá Þrótti í Neskaupstað en gekk til liðs við KA á Akureyri árið 2019. Með liðinu vann hún alla þrjá titla sem í boði voru hérlendis síðasta vetur.

Hún var kosin maður leiksins í úrslitum bikarkeppninnar og besti frelsingi úrvalsdeildarinnar síðasta vetur vor.

Hún spilaði sex leiki með A-landsliðinu í undankeppni Evrópumótsins í haust og lék þar stórt hlutverk í móttöku og varnarlínu liðsins. Í tilkynningu Blaksambandsins segir enn fremur að Valdís sé til fyrirmyndar, innan vallar sem utan.

Valdís í leik með Þrótti vorið 2018.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.