UÍA maður setti Íslandsmet á Vilhjálmsvelli
Atli Geir Sverrisson, Hetti, setti Íslandsmet í sleggjukasti á frjálsíþróttamóti sem UÍA hélt á Vilhjálmsvelli í seinustu viku. Atli Geir kastaði þar 2 kg sleggju 29,93 metra en hann keppir í flokki 11-12 ára. Hann átti sjálfur metið en hann kastaði 27,83 í lok júní.
Mótið var hið þriðja í mótaröð frjálsíþróttaráðs UÍA í sumar en á því var að auki keppt í stökkgreinum og boðhlaupi. Á mótið komu keppendur frá Eyjafjarðarfélögunum UMSE og UFA.
