Tour de Ormurinn á morgun

Hjólreiðakeppnin Tour de Ormurinn verður haldin á morgun í áttunda sinn. Vegfarendur á svonefndum Fljótsdalshring eru beðnir um að gæta varúðar þar sem hjólreiðafólkið verður á ferðinni.

Keppnin verður að vanda ræst klukkan níu í fyrramálið við Söluskála N1 á Egilsstöðum. Í kringum ræsinguna verður þjóðveginum fyrir neðan Söluskálann lokað.

Keppendur hjóla síðan eftir Egilsstaðanesi yfir í Fellabæ þaðan sem beygt er inn eftir. Takmarkanir verða á umferð meðan hjólreiðafólkið fer þar um.

Í boði eru tvær vegalengdir, 68 og 103 km. Keppendur í styttri hringnum beygja fyrir neðan Hengifoss yfir í átt að Hallormsstað meðan þeir sem fara lengri leiðina halda áfram upp í Norðurdal Fljótsdals.

Búast má við að fyrstu keppendur í styttri hringnum komi í mark rétt fyrir klukkan ellefu en þeir fyrstu úr lengri hringnum upp úr hádegi. Síðustu keppendur ættu að renna í mark á þriðja tímanum. Á meðan keppendur koma í mark verður aftur gripið til lokana á leiðinni fyrir neðan Söluskálann. Brautarverðir verða staðsettir á umferðarmiklum gatnamótum og varasömum köflum, auk þess sem bílar eru á undan og eftir keppendahópnum, en vegfarendur á svæðinu eru beðnir um að sýna aðgát á meðan keppninni stendur.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.