Tinna Rut í raðir Lindesberg

Tinna Rut Þórarinsdóttir, tvítug blakkona úr Þrótti Neskaupstað, skrifaði í síðustu viku undir samning við sænska úrvalsdeildarliðið Lindesberg og mun leika með því næsta vetur.

Tinna Rut hefur leikið með meistaraflokki frá tímabilinu 2015-16 og var í liðinu sem varð þrefaldur meistari vorið 2018. Hún hefur verið lykilmaður í stöðu kantsmassara hjá Þrótti síðustu tvo vetur.

Hún á að baki tvo leiki með íslenska A-landsliðinu en auk þess hefur hún leikið með yngri landsliðum.

Í viðtali við heimasíðu Lindesberg segist Tinna Rut hafa viljað reyna eitthvað nýtt eftir að hafa æft með Þrótti frá sex ára aldri. Á þessum tímamótum hafi hún meðal annars horft til Svíþjóðar. Í framtíðinni stefnir hún á nám í einhverju tengdu íþróttinni, svo sem íþróttafræðum eða sjúkraþjálfun.

Norðfirðingar eiga þegar fulltrúa í sænsku deildinni þar sem Jóna Guðlaug Vigfúsdóttir spilar með Halmstad. Það lið var í þriðja sæti deildarinnar en Lindesberg í því sjötta áður en keppni var aflýst vegna Covid-19 faraldursins.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.