Nemendur Egilsstaðaskóla hraustastir á Austurlandi
Lið Egilsstaðaskóla vann Austurlandsriðil Skólahreysti sem fram fór í íþróttahúsinu á Egilsstöðum í seinustu viku. Liðið náði 59 stigum og tryggði sér þátttökurétt í úrslitunum í Laugardalshöll í lok apríl.
Lið Vopnafjarðarskóla varð í öðru sæti með 49 stig og lið Grunnskóla Breiðdalshrepps í því þriðja með 44,5 stig. Ellefu skólar af Austurlandi sendu lið til þátttöku.Af afrekum einstaklinga má nefna að Stefán Bragi Birgisson, Egilsstaðaskóla, hífði sig 33 sinnum upp, Anna Mekkín Reynisdóttir, Grunnskóla Hornafjarðar, gerði 45 armbeygjur, Fannar Bragi Pétursson, Grunnskóla Fáskrúðsfjarðar, tók 40 dýfur og Rannveig Steinbjörg Róbertsdóttir, Grunnskóla Breiðdalshrepps, hékk í 3,26 mínútur í hreystigreipinni. Grunnskóli Hornafjarðar var fljótastur í gegnum hraðabrautina, 2,21 mínútu.
Lið Egilsstaðaskóla mynduðu: Stefán Bragi Birgisson, Erla Gunnlaugsdóttir, Jóhanna K. Sigurþórsdóttir og Hafsteinn Gunnlaugsson.
Lokastaðan:
Egilsstaðaskóli 59,00
Vopnafjarðarskóli 49,00
Grunnskóli Breiðdalshrepps 44,50
Grunnskóli Fáskrúðsfjarðar 42,50
Grunnskóli Hornafjarðar 42,50
Grunnskóli Reyðarfjarðar 37,50
Nesskóli 28,00
Fellaskóli, Fellabæ 25,00
Grunnskóli Djúpavogs 24,00
Grunnskólinn á Eskifirði 24,00
Grunnskólinn á Stöðvarfirði 20,00
