VG - kosningar - sept 2021

Fótboltavöllurinn verði að tjaldsvæði

Íbúasamtök Stöðvarfjarðar hafa lagt til við Fjarðabyggð að gera fótboltavöll bæjarins að tjaldsvæði. Gert er ráð fyrir að helmingur vallarins yrði áfram íþróttasvæði.


„35 metrar af innanverðum vellinum yrði áfram fótboltavöllur. Það nægir undir þá notkun sem hefur verið á vellinum seinustu ár. Þá er líka skemmtilegt útivistarsvæði komið fyrir tjaldsvæða gesti, þar sem þeir geta farið í leiki, spilað fótbolta eða hvað sem er,“ segir í hugmyndum íbúasamtakanna til Fjarðabyggðar.

„Það svæði yrði mögulega lagað þar sem skemmdir eru í vellinum eftir að ljósleiðari var lagður í gegnum hann. Þá koma 75 metrar af vellinum sem myndu nýtast undir húsbíla, tjaldvagna og fellihýsi. Aðstöðuhúsið yrði svo staðsett í efra úthorninu á vellinum. Þar þarf að koma fyrir rotþró. Vegurinn niðrá völlinn yrði svo breikkaður og hækkaður til að gera alla aðkeyrslu þægilegri,“ 

Lagt er til að manir verði settar á fótboltavöllinn til að aðskilja völlinn og tjaldsvæðið. „Einnig kæmi mön meðfram sjávarsíðunni til að loka á haf áttina og mynda skjól inná tjaldsvæðið. Í þessar manir yrðu svo gróðursett tré sem eru orðin nokkuð há, 1-2 metrar, til að mynda sem mest skjól sem fyrst,“ segir í hugmyndunum.

Hugmyndir Íbúasamtaka Stöðvarfjarðar voru teknar fyrir á síðasta fundi menningar- og nýsköpunarnefndar Fjarðabyggðar sem fól atvinnu- og þróunarstjóra að vinna málið áfram með samtökunum.


Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.