Kvennatöltið fyrsta mótið í nýrri reiðhöll á Norðfirði
Kvennatölt var haldið laugardaginn 5. mars í nýbyggðri reiðhöll
hestamannafélagsins Blæs á Norðfirði, en það er fyrsta mótið sem haldið
er í húsinu. Það voru Blæsfélagarnir Steinar Gunnarsson og Guðbjartur
Hjálmarsson sem áttu veg og vanda að mótinu.
Keppt var í tveimur flokkum á mótinu. Í flokki 15 ára og yngri voru fjórar efnilegar stúlkur en í eldri flokki voru rúmlega þrjátíu skráningar frá konum víðsvegar af Austurlandi. Riðin voru A - og B úrslit í eldri flokki og gekk öll keppnin vel.
Verðlaunapeningar voru í boði fyrir fimm efstu sætin og farandgripur fyrir efsta sætið í eldri flokknum. Verðlaunin voru gefin af feðgunum Gunnari Jónssyni og Steinari Gunnarssyni og fjölskyldum þeirra í minningu Halldóru Jónsdóttur. Að auki fékk sigurvegarinn í flokknum 50.000 króna peningaverðlaun.
Úrslitin á mótinu voru sem hér segir:
Yngri flokkur
1. Þuríður Lillý Sigurðardóttir og Bessi frá Björgum
2. Andrea Guðbjartsdóttir og Kristall frá Naustum
3. Sigríður Theodóra Sigurðardóttir og Sproti frá Bárðartjörn
4. Elísabet Líf Theodórsdóttir og Saga frá Flögu
Eldri flokkur
1. Nikólína Rúnarsdóttir og Þytur frá Kollaleiru
2. Guðbjörg Friðjónsdóttir og Ófeigur frá Ey II
3. Guðrún Ásdís Eysteinsdóttir og Dalvar frá Tjarnarlandi
4. Elísabet Ýrr Steinarsdóttir og Svala frá Syðstu-Grund
5. Helga Valbjörnsdóttir og Gusa frá Breiðabliki
Dómari mótsins var Þorvarður Ingimarsson frá Eyrarlandi, ritari Hjálmar Einarsson og þulir Jóna Árný Þórðardóttir og Ingólfur Arnarson.
Forsvarsmenn Blæs vilja koma þökkum á framfæri til þeirra sem gerðu mótið að veruleika. Þeir reikna meðað mótið verði árlegur viðburður þar sem keppt verði um farandbikarinn í sem gefinn var í minningu Halldóru, sem tók virkan þátt í starfi félagsins.
