Körfubolti: Höttur einn á toppnum
Lið Hattar er orðið eitt í efsta sæti fyrstu deildar karla í körfuknattleik. Liðið þurfti að hafa fyrir sigrum á Sindra og Skallagrími um helgina.Hornfirðingar hafa á síðustu árum búið til gott körfuboltalið sem farið hefur vel af stað í haust og deildi efsta sætinu með Hetti og Haukum þegar Egilsstaðaliðið mætti á Höfn á föstudagskvöld.
Eftir fyrsta leikhluta var staðan jöfn, 22-22. Sindri náði yfirhöndinni í leiknum um miðjan annan leikhluta þegar liðið breytti stöðunni úr 29-30 í 39-32. Munurinn hálfleik var 40-35.
Sindri átti annað sprett undir miðjan þriðja leikhluta, breytti þá stöðunni úr 51-47 í 60-47. Hetti tók að krafsa sig til baka og minnka muninn í 65-63. Liðið fékk síðan tvo skotfæri til að jafna í síðustu sókn leikhlutans en tókst ekki.
Eftir tvær og hálfa mínútu í fjórða leikhluta var Sindri yfir 76-70. Næst tvær mínútur setti Höttur niður átta stig gegn engu og komst yfir. Þegar 1:20 mín var eftir var staðan jöfn, 89-89. Bæði lið fengu fjölda skotfæra þann tíma sem eftir var en skoruðu ekki.
Höttur tók frumkvæðið strax í framlengingunni og vann 96-100. Tim Guers var stigahæstur í liðinu með 25 stig. Hann tók að auki tólf fráköst.
Í gærkvöldi tók Höttur á móti Skallagrími í frestuðum leik. Borgarnesliðið hefur verið í basli, aðeins unnið einn leik og fyrir um mánuði var haldinn neyðarfundur um fjárhagsstöðu körfuknattleiksdeildarinnar.
Höttur hafði nokkuð örugg tök á leiknum, var yfir eftir fyrsta leikhluta 22-18 og 46-34 í hálfleik. Mestur varð munurinn 20 stig snemma í þriðja leikhluta. Í lok hans var munurinn kominn niður í 67-62, enda nýtti heimaliðið tækifærið til að hvíla lykilleikmenn.
Borgnesingar voru aldrei fjærri í fjórða leikhluta en Höttur alltaf einn eða tveimur sóknum framar og vann að lokum 92-87. Arturo Fernandez var stigahæstur með 25 stig. Þá hirti Juan Luis 18 fráköst auk þess að skora 13 stig.
Höttur er eina liðið án taps í deildinni, hefur unnið alla leiki sína sjö. Haukar og Sindri fylgja síðan á eftir. Framundan er annar toppslagur fyrir Hött því liðið leikur næst gegn Haukum í Hafnarfirði þann 19. nóvember.
