Heimsmeistaramótsfarar sviknir um hjól

ImageÍslenska landsliðið í mótorkrossi var svikið um hjól sem því hafði verið lofað til notkunar í heimsmeistarakeppninni í Bandaríkjunum. Egilsstaðabúinn Hjálmar Jónsson er einn liðsmanna.

 

Pressan greinir frá þessu. Þar segir að við komuna til Bandaríkjanna hafi liðinu verið tilkynnt um að hjólin, sem liðið átti að æfa og keppa á, væru ekki lengur aðgengileg.

Liðsstjóri liðsins setti auglýsingu um að liðið vantaði þrjú hjól og kerru til að geta keppt. Bandarísk fjölskylda hafði samband og bauð liðsmönnunum þremur æfingaaðstöðu og hjól. Síðar hafði Kawasaki-umboðið á svæðinu samband og útvegaði hjól.

Keppnin fer fram í Denver í Kóloradófylki í Bandaríkjunum. Forkeppnin fer fram í dag og aðalkeppnin á morgun.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.