Bræðrabardagi í körfunni: Við erum vanir að spila einn á einn
Bræðurnir Viðar Örn og Jónas Ástþór Hafsteinssyni voru í sitt hvoru
liðinu þegar Höttur tók á móti Þór Þorlákshöfn í 1. deild karla í
körfuknattleik nýverið. Jónas fékk það hlutverk að dekka stóra bróður
sinn seint í leiknum.
Viðar spilar með Hetti en Jónas með Þór. Hann sat lengst af á bekk gestanna en kom inn á í seinasta leikhluta og var þá falið að gæta bróður síns.
„Það er alltaf erfitt að dekka viðar, hann er góður sóknarmaður. Það er erfitt fyrir mig að stoppa skotin hans þar sem ég er minni. Við höfum samt oft spilað einn á einn þegar við höfum verið að leika okkur.“
Fataval Jónasar vakti nokkra athygli en hann var í sokkum með merki Hattar en í búningi gestanna úr Þorlákshöfn. „Það varð að vera eitthvað Hattartengt fyrst maður var að koma heim.“
Þór vann leikinn 80-106. Í samtali við Agl.is sagði Viðar að gaman hefði verið að kljást við bróður sinn. „Það er samt ekkert mál að skjóta yfir hann, hann er svo lítill!“
Höttur vann um seinustu helgi FSu 80-100. Daniel Terrell var stigahæstur í liði Hattar með 22 stig. Hann tók að auki 14 fráköst og sendi 14 stoðsendingar. Omar Khanani, nýr útlendingur í liði Hattar, spilaði sinn fyrsta leik með liðinu.
Höttur heimsækir Val á Hlíðarenda klukkan 20:00 í kvöld. Karlalið Þróttar Neskaupstað spilar í kvöld og á morgun í bikarkeppninni í blaki. Leikið verður í Ásgarði í Garðabæ.
