Blak: Þróttur vann nafna sinn - Myndir

Image Þróttur Neskaupstað vann í gærkvöldi Þrótt Reykjavík 1-3 í 1. deild kvenna í blaki í íþróttahúsi Kennaraháskólans. Fyrirliði liðsins segir það hafa verið óþarfa að tapa hrinunni.

Norðfjarðarliðið vann hrinurnar 13-25, 25-22, 11-25 og 12-25. Liðið var yfir um miðja aðra hrinu en missti forskotið niður. Í þriðju og fjórðu hrinu var jafnt með liðunum í fyrstu áður en gestaliðið gaf allt í botn.

„Það var lélegt að tapa þessari hrinu. Við eigum að geta unnið þetta lið 3-0,“ sagði Kristín Salín Þórhallsdóttir, fyrirliði Þróttar, í samtali við Agl.is eftir leikinn.

„Mér fannst leikurinn kaflaskiptur. Við fengum stig þegar við gerðum ekkert af viti og þegar við vorum að gera fullt af hlutum fengu þær stig.“

Í hádeginu mætir Þróttur Ými í Kópavogi. „Við eigum líka að geta unnið það lið 3-0. Við þurfum bara að sofa úr okkur fyrst.“

ImageImageImageImageImageImageImageImageImageImageImageImageImage

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.