Irena Fönn Clemmensen, Norðfirðingur, vann til verðlauna á hársnyrtikeppni Canvas sem er á vegum Meistarafélags Hársnyrtisveina á Íslandi. Hún vann tvenn verðlaun, annars vegar fyrir hárgreiðslu og hins vegar fyrir bjarta liti. „Ég er afar sátt með árangurinn og held áfram og stefni hærra,” segir Irena Fönn.

Öskudagurinn í ár er sá fyrsti eftir tveggja ára uppihald í Neskaupstað þar sem börn ganga um bæinn og syngja. Fyrir ári síðan var það veðurspáin sem var leiðinleg og árinu áður voru takmarkanir vegna covid sem komu í veg fyrir að börnin fóru út í bæ að syngja.

Hlynur Karlsson fékk á dögunum viðurkenningu fyrir framúrskarandi árangur á sveinsprófi í rafeindavirkjun á Nýsveinahátíð Iðnaðarmannafélagsins í Reykjavík. Hlynur er fæddur og uppalin í Neskaupstað en hefur undanfarin ár stundað nám við Tækniskólann í Reykjavík.

Árni Rafn Elfar Zannýarson er ungur austfirskur plötusnúður sem hefur gengur vel að koma sér á framfæri á skemmtistöðum Reykjavíkur. Árni kemur fram sem plötusnúður undir nafninu Nonni Clausen og hefur spilað á skemmtistöðum á borð við Prikið og Lebowski Bar.

Á sunnudaginn næstkomandi, konudaginn, verða tónleikar í kirkju- og menningarmiðstöðinni á Eskifirði klukkan 16:00. Tónleikarnir bera heitið Þúst og eru á vegum listamannafélagsins Mela sem var stofnað árið 2019 í þeim tilgangi að efla starfsvettvang listafólks á Austurlandi. Markmið félagsins er að setja upp fjölbreytta og metnaðarfulla listviðburði á Austurlandi en tónleikarnir Þúst eru fimmta verkefni félagsins.