Jón Knútur Ásmundsson, Norðfirðingur og upplýsingafulltrúi hjá Austurbrú, fékk í gær viðurkenningu fyrir tvö ljóð í ljóðasamkeppninni Ljóðstafur Jóns úr vör. Jón Knútur sækir yrkisefni ljóða sinna úr hversdagslegum aðstæðum fremur en til að mynda fegurðar austfirskrar náttúru, sem hann segist blindur á, hafandi alist upp með hana fyrir augunum. Ungar íslenskar skáldkonur, húmor þeirra og hæfileikar, urðu Jóni Knúti hvatning til ljóðagerðar.
Notendur Bókasafns Héraðsbúa fylgdu ekki meginstraumi bókasafnsnotenda á landsvísu á síðasta ári. Aðeins ein af vinsælustu bókunum hjá bókasöfnum á landsvísu nær inn á topp 10 yfir vinsælustu bækurnar á Bókasafni Héraðsbúa árið 2023. Sú bók er Reykjavík: glæpasaga eftir Katrínu Jakobsdóttur forsætisráðherra og Ragnar Jónasson.
Nýir eigendur hins vinsæla Sesam brauðhúss á Reyðarfirði ætla að bjóða upp á nokkrar nýjungar á sérstökum opnunardegi á morgun laugardag en þar skal bjóða gestum öllum upp á forvitnilegar nýjungar af tilefninu auk þess sem eigendurnir allir verða til staðar að taka mót fólki og bjóða alla velkomna.
Mikla athygli vakti í liðnum desember þegar göngugarpurinn Einar Skúlason ákvað að ganga frá Seyðisfirði til Akureyrar sömu leiðina og landpóstar fyrr á öldum þurftu að fara oft á hverju ári. Almennt fer lítið fyrir sögu landpóstanna hvers starf var vafalítið með þeim allra erfiðustu á erfiðum tímum. Áhugasamir geta kynnt sér hluta þeirrar sögu á ágætu litlu safni að Ásbrandsstöðum í Vopnafirði.
Það þurfa allmörg púsl að falla á réttan stað til að ná svo magnaðri ljósmynd sem meðfylgjandi mynd er sannarlega en á henni má sjá hvorki fleiri né færri en átta þéttbýlisstaði á Austurlandi í morgunskímunni sjöunda dag janúarmánaðar 2024.
Í desember síðastliðnum kom út bókin Á ferð um Fljótsdal þar sem segir frá ýmsum ævintýrum sem fjölskylda lendir í á ferðalagi sínu, jú, einmitt um Fljótsdalinn. Ýmsar verur koma þar við sögu sem hægt er að tengja mis þekktum frásögnum úr sveitinni. Svo sem þekkt er þá er töluverður kostnaður að baki því að prenta og gefa út bækur og safnar því höfundurinn, Kjartan Glúmur Kjartansson, nú fyrir útgáfunni á Karolina Fund.
Þrettán nemendur í húsasmíði og sex nemendur í vélvirkjun í Verkmenntaskóla Austurlands fengu í síðasta mánuði formlega afhent sveinsbréf sín við hátíðlega athöfn en það var jafnframt í fyrsta skipti sem slík sveinsbréf eru afhent á Austurlandi.
Spurningakeppni framhaldsskólanna, Gettu betur, er með vinsælustu þáttum unga fólksins á Ríkisfjölmiðlinum. Margir aðrir fylgjast grannt og vel með líka og þar ekki síst keppendum úr þeim tveimur skólum Austurlands sem þátt taka hverju sinni. Þeir hinir sömu ættu að leggja við hlustir á lokaviðureign dagsins á Rás 2 í kvöld.
Fyrr í þessum mánuði afhenti Helga Vigfúsdóttir sveitarstjóra Fljótsdalshrepps lykla að gistihúsinu að Végarði en þar hefur Helga síðustu fjórtán árin byggt upp staðinn sjálfan sem og afar gott orðspor en nýir eigendur keyptu reksturinn af sveitarfélaginu snemma í vetur.