Veraldarvinir opna sýningu í Neskaupstað í dag
Sextán sjálfboðaliðar á vegum Veraldarvina, bjóða íbúum Fjarðabyggðar og öðrum gestum á ljósmyndasýningu sem opnar í vélaverkstæði dráttarbrautarinnar að Eyrargötu í Neskaupstað kl. sex í dag.
Bæjarstjóri sækir um prestakall
Jóna Kristín Þorvaldsdóttir, bæjarstjóri í Grindavík, er meðal þeirra þriggja sem sóttu um Kolfreyjustaðarprestakall. Hún þjónaði í Neskaupstað fyrir um tuttugu árum.
Ormsteiti um víðan völl
Héraðshátíðin Ormsteiti sem fram fer um allt Fljótsdalshérað hófst með stæl á föstudag og stendur fram á næsta sunnudag með þéttri dagskrá. Í dag fá börn og ungmenni á Héraði meira fyrir sinn snúð því í bragganum við Sláturhúsið á Egilsstöðum verður ævintýralegur markaður þar sem krakkar selja sitt dót og hin árvissa og alkunna Fegurðarsamkeppni gæludýra.
Kona fékk í sig byssukúlubrot
Kona sem var á ferð með hreindýraskyttum á Fljótsdalsheiði í gær fékk í sig brot úr byssukúlu sem endurkastaðist af grjóti. RÚV greinir frá þessu. Segir að slysið hafi orðið um hádegisbil í gær nálægt Bessastaðavötnum á Fljótsdalsheiði.
Ferðamenn illa áttaðir á aðstæðum á hálendi
Björgunarsveitin Vopni á Vopnafirði hefur haft ærin verkefni undanfarna daga því félagar sveitarinnar voru nýlega við hálendisgæslu. Þeir vöktuðu umferð fólks á Sprengisandi og höfðu svæðið frá Jökulheimum í suðri til Réttartorfu í norðri undir, en héldu til í Nýjadal. Athygli vakti hversu margt ferðafólk áttaði sig illa á aðstæðum á hálendinu og var því vanbúið.
Eggin í Gleðivík afhjúpuð
Á föstudag var listaverk Sigurðar Guðmundssonar, „Eggin í Gleðivík“ afhjúp á Djúpavogi. Verkið, sem eru 34 steinegg, eru austan við fyrrum fiskimjölsverksmiðju í Gleðivík.
Dramatískur sigur Fjarðabyggðar
Fjarðabyggð vann í kvöld Víking á Eskifjarðarvelli 3-2 í 1. deild karla í knattspyrnu. Mörk Fjarðabyggðar komu öll á seinustu tíu mínútum leiksins.
Foreldrar brýni fyrir börnum sínum að fara varlega
Lögreglan á Egilsstöðum var kölluð til laust fyrir síðustu helgi eftir að maður á bifreið stöðvaði hjá nokkrum stúlkum 10 til 12 ára gömlum skammt frá íþróttahúsi bæjarins og bað þær að tala við sig. Grunur lék á að maðurinn hefði hugsanlega ætlað að lokka eina eða fleiri stúlknanna upp í bílinn. Ein stúlknanna hljóp inn í íþróttahúsið og sagði frá atvikinu og í kjölfarið var hringt í lögreglu. Kvittur er uppi í bænum um að þetta sé ekki eina tilvikið af þessum toga í sumar.
Lokatónleikar Bláu kirkjunnar
Lokatónleikarnir í sumartónleikaröðinni Bláa kirkjan 2009 verða haldnir í kvöld. Þar kemur fram Hinn einstaki íslenski saxafónkvartett.
