Helmingur fjármuna lán til skyldra aðila

Staða peningamarkaðsbréfa Landsbanka Íslands mánuði fyrir hrun í fyrra var þannig að yfir 50% fjármuna sjóðsins voru lán til skyldra aðila, þ.e. Landsbankans sjálfs, Samsonar, Eimskipafélagsins og Straums-Burðaráss. Þetta segir Sverrir Mar Albertsson, framkvæmdastjóri AFLs Starfsgreinafélags, en félagið hefur undir höndum yfirlit frá Landsbankanum yfir fyrirtæki sem höfðu fé að láni frá Landsvaka hf. síðasta haust.

peningar.jpg

Lesa meira

Fljótið og hringurinn

FLJÓTIÐ OG HRINGURINN er heiti yfir vinnubúðir, listsýningar og heimildamynd sem Lóa (Ólöf Björk Bragadóttir) bæjarlistamaður Fljótsdalshéraðs stendur fyrir nú í október. Um er að ræða samstarfsverkefni ólíkra listamanna sem vinna saman að listsköpun á Eiðum frá 14. – 19. október 2009. Afraktstur vinnubúðanna verður svo sýndur í sérstakri hringferð, Fljótsdalshringinn, sem farin verður sunnudaginn 18. október kl. 11:00.

lagarfljt.jpg

Lesa meira

Saumastofan frumsýnd

Í kvöld kl. 20.00 frumsýnir Leikfélag Fljótsdalshéraðs leikverkið Saumastofuna, eftir Kjartan Ragnarsson. Leikritið naut mikilla vinsælda þegar það var fyrst sýnt, á áttunda áratugnum og mörg sönglaganna í því eru vel þekkt. Þetta er 54. uppsetning leikfélagsins, sem að jafnaði hefur sett upp eina til tvær sýningar á ári frá því 1966. Leikstjóri Saumastofunnar er Daníel Behrend og tónlistarstjóri Freyja Kristjánsdóttir. Önnur sýning er á morgun kl. 20 og sú þriðja sunnudaginn 18. október kl. 15. Síðan verða sýningar 23., 24., 25., og 29. október. Miðasala er í síma 862-3465 og er miðaverð 2000 krónur.

saumastofan.jpg

Tilkynning frá Landsvaka vegna fréttar frá Afli

Landsvaki hf. telur ástæðu til að leiðrétta meintar alvarlegu rangfærslur sem Björn Þór Guðmundsson, framkvæmdastjóri Landsvaka, segir koma fram í tilkynningu stjórnar AFLs Starfsgreinfélags Austurlands. Þar sagði að stjórn AFLs hyggðist stefna sjóðstjórum Landsvaka, er önnuðust upplýsingagjöf til félagsins og fóru með fjámuni þess, til greiðslu bóta vegna þeirra fjármuna er félagið tapaði við uppgjör fjárfestingarsjóðsins Peningabréf Landsbankans ISK.

landsbankaskyrsla.jpg

Lesa meira

Hundruðum zeólíta stolið frá Teigarhorni

Hundruðum geislasteina hefur verið stolið úr steinasafni að Teigarhorni í Berufirði. Er húsráðandi kom heim í gær eftir nokkra fjarveru kom í ljós að um 500 steinar höfðu verið hreinsaðir úr safninu, úr sýningarskápum og af borðum. Jónína Björg Ingvarsdóttir á Teigarhorni segir safnið um 15 milljóna króna virði og ótryggt. Lögregla rannsakar málið.

teigarhorn2005.jpg

Lesa meira

Mótmælt við skrifstofur HSA

Rúmlega þrjátíu manns efndu til mótmæla fyrir utan skrifstofur Heilbrigðisstofnunar Austurlands (HSA) á Egilsstöðum kl. 13 í dag. Hópurinn var með mótmælaspjöld, barði saman pottokum, blés í lúðra, fluttar voru ræður og hrópuð andmæli gegn yfirstjórn HSA. Mótmælt var meðferð HSA á Hannesi Sigmarssyni, yfirlækni Heilsugæslu Fjarðabyggðar, en honum var vikið tímabundið frá störfum fyrir um 8 mánuðum og kærður til lögreglu vegna meints misferlis með fé HSA. Varpað var fram að Fjarðabyggð tæki heilsugæslu sveitarfélagsins í eigin hendur.

hs

Lesa meira

Minnisvarði um merka Seyðfirðinga

Þriðjudaginn 20. október kl. 17.00 verður afhjúpaður minnisvarði við brúna á Fjarðará um Ólaf M. Ólafsson útgerðarmann og Jón Pálsson skipstjóra. Starfsmannafélag Gullbergs hefur haft forgöngu um framtak þetta og kostar minnisvarðann. Einnig hafa starfsmenn Seyðisfjarðarkaupstaðar komið að verkinu. Í tilefni dagsins ætla eigendur Gullbergs að bjóða starfsmönnum og öllum bæjarbúum að þiggja léttar veitingar að vígslu lokinni í Herðubreið frá 17.30-20.00.

minni_gullver.jpg

Öryggissveitir bólusettar

Bóluefni vegna inflúensunnar H1N1 er komið til landsins og bólusetning heilbrigðisstarfsmanna hófst í gær. Stefnt er að því að hefja bólusetningu svokallaðra öryggissveita eftir helgi en í þeim hópi eru lögreglan, björgunarsveitir, slökkvilið,  tollverðir, fangaverðir, Rauði krossinn, Landhelgisgæslan, Neyðarlínan og fleiri. Unnið er hörðum höndum að því að kortleggja aðra nauðsynlega starfsemi og hvort mögulegt er að afmarka þennan hóp til bólusetningar. Almenn bólusetning hefst í byrjun nóvember og á þá að vera búið að bólusetja öryggissveitir og sjúklinga. Áætlanir gera ráð fyrir að búið verði að bólusetja allt að 75 000 manns fyrir lok nóvember. Frá þessu greinir á vef almannavarnadeildar Ríkislögreglustjóra.

haus_logo.gif

Lesa meira

Boða til mótmæla við HSA

Efnt verður til mótmæla utan við höfuðstöðvar Heilbrigðisstofnunar Austurlands (HSA) á Egilsstöðum í hádeginu. Stuðningsmenn yfirlæknis Heilsugæslu Fjarðabyggðar standa fyrir mótmælunum og hyggjast leggja upp frá Reyðarfirði kl. 12 og aka að HSA á Egilsstöðum. Mótmæla á því að yfirstjórn HSA leysti yfirlækninn tímabundið frá störfum fyrir um 8 mánuðum og fól lögreglu að rannsaka meint misferli hans með fjármuni stofunarinnar.

hsa.jpg

Lesa meira

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.