Tekist á um verðmæti Eskju í Héraðsdómi

imgp8006net.jpg
Í fréttum Rúv í vikunni kemur fram að Héraðsdómur Austurlands tók fyrir mál Landsbankans gegn Eskju á Eskifirði og tengdum félögum.

Í frétt RÚV segir: "Lögbann var sett fyrir rúmlega tveimur mánuðum síðan á nýtingu 500 milljóna króna sem fengust í hlutafjáraukningu Eskju hf. á Eskifirði í byrjun október. Landsbankinn fór fram á lögbannið enágreiningur er á milli bankans og hluthafanna um verðmat á fyrirtækinu sem lá til grundvallar hlutafjáraukningunni. Bankinn telur að verðmæti fyrritækisins hafi verið vanmetið og því hafi of stór hluti í fyrirtækinu fengist fyrir þann hálfa milljarð sem keypt var hlutafé fyrir. Einar Þór Sverrisson lögmaður þeirra sem stefnt er í málinu lagði fram matsbeiðni fyrir Héraðsdómi í dag. Á fimmtudag verður málið aftur á dagskrá hérðsdóms og þá verður endurskoðandi væntanlega skipaður sem dómskvaddur matsmaður og fær hann það hlutverk aðleggja mat á verðmæti fyrirtækisins. Hann mun fá öll gögn málsins í hendur og taka sér þann tíma sem hann þarf til verksins. Auk eigendanna tveggja stefnir NBI fjórum fyrirtækjum vegna málsins en þau eru Eskja ehf, Eskja hf, Fjárfestingarfélagið Bleiksá ehf, Hólmaborg ehf." 

Óskar Þór býður sig fram í Fjarðabyggð

Óskar Þór Hallgrímsson, formaður fulltrúaráðs Sjálfstæðisflokksins í Fjarðabyggð, hefur tilkynnt að hann gefi kost á sér í 3. – 6. sæti á lista flokksins í Fjarðabyggð fyrir sveitastjórnarkosningarnar í vor.

 

Lesa meira

Festarhald gjaldþrota

Héraðsdómur Austurlands hefur fallist á beiðni forsvarsmanna Festarhalds ehf. um að fyrirtækið verði tekið til gjaldþrotaskipta. Það rak matvælavinnslu í frystihúsinu á Breiðdalsvík eftir að Fossvík lagði upp laupana.

 

Lesa meira

Tveir nýir leikmenn með Hetti í kvöld

Körfuknattleikslið Hattar hefur fengið tvo nýja erlenda leikmenn fyrir átökin framundan í 1. deild karla í körfuknattleik. Bandaríkjamanninn Akeem Clark og Pólverjann Milosz Krajewski. Höttur mætir Þór frá Akureyri í kvöld.

 

Lesa meira

Metþátttaka í Orkubóndanum á Egilsstöðum

Um 140 manns hafa skráð sig á námskeiðið Orkubóndann sem hefst á Egilsstöðum á morgun og er þetta metþátttaka á námskeiðinu. Á meðal þátttakenda eru um 70 framhaldsskólanemar.

Lesa meira

Valdimar vill leiða listann áfram

Valdimar O. Hermannsson, oddviti Sjálfstæðismanna í bæjarstjórn Fjarðabyggðar, gefur kost á sér í fyrsta sætið á lista flokksins fyrir bæjarstjórnarkosningarnar í Fjarðabyggð í vor.

 

Lesa meira

Dæmdur fyrir að virða ekki hvíldartíma

Héraðsdómur Austurlands dæmdi í dag vörubílstjóra til að greiða sekt fyrir brot á lögum um hvíldartíma. Ökumaðurinn var stöðvaður í Reyðarfirði í október 2008 þar sem hann var að flytja fisk frá Eskifirði til Grundarfjarðar.

 

Lesa meira

Lögreglumönnum í Neskaupstað hótað lífláti

Lögreglumönnum, eiginkonum og börnum þeirra var hótað lífláti og líkamsmeiðingum þegar þeir skiptu sér af drukknum einstaklingum sem voru til vandræða um helgina.

Lesa meira

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.