Veðurstofa Íslands gerir ráð fyrir rúmlega 20 stiga hita á Egilsstöðum langt fram til kvölds á morgun laugardag en um hádegi þann dag hefjast þar þriðju Styrkleikar Krabbameinsfélagsins sem haldnir hafa verið hérlendis.
Heita má að fullsetið hafi verið í félagsheimilinu Hjaltalundi í Hjaltastaðaþinghá á sunnudaginn var þegar Hollvinafélag Hjaltalunds og Kvenfélagið Björk fögnuðu því að komið er nýtt þak á húsið, stiginn verið endurbættur og eldhúsið nú orðið formlega viðurkennt lögum samkvæmt.
Dóri DNA, hoppukastalar, húllumhæ og ýmsar klippur frá Kvikmyndasafni Íslands frá Eskifirði fyrr og nú er meðal þess sem boðið verður upp á á bæjarhátíðinni Útsæðinu sem fram fer á Eskifirði um helgina.
Á landsvísu má gera ráð fyrir að allt að tvö þúsund manns hafi lagt leið sína á þau sex lögbýli sem héldu upp á Beint frá býli daginn um helgina. Þar af milli 300 og 400 manns sem heimsóttu Lynghól í Skriðdal.
Á laugardaginn kemur i fer fram það sem er óumdeilanlega þekktasta hjólreiðakeppni Austurlands: Tour de Ormurinn. Að þessu sinni verður ný keppnisleið í boði fyrir byrjendur.
Standi vilji til að kynna sér vörur og þjónustu smáframleiðenda á Austurlandi gefst vart betri tími til þess en á sunnudaginn kemur þegar fimmtán ára afmæli Beint frá býli verður fagnað sérstaklega í Skriðdal. Innan þess félagsskapar eru eingöngu smáframleiðendur sem búa á lögbýlum í landinu.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.