Tekist á um opnunartíma Stefánslaugar
Hrundið hefur verið af stað undirskriftarsöfnun til að fá breytt opnunartíma Stefánslaugar í Neskaupstað breytt þannig að framvegis verði opið frá 10-16 á laugardögum í stað 12-18 eins og er. Skiptar skoðanir eru meðal Norðfirðinga um málið.
„Sá sem stendur að þessum undirskriftarlista mun væntanlega senda þetta sem áskorun á sveitafélagið. En það þarf ekki undirskriftarlista svo sveitafélagið skoði málið. Við skoðum skoðum allar ábendingar,“ segir Bjarki Ármann íþrótta- og tómstundarfulltrúi Fjarðabyggðar.
Samkvæmt skoðanaskiptum meðal Norðfirðinga á Facebook virðast rökin með breytingum á opnunartímanum vera að fólk vilji komast fyrr í sund, til dæmis með börnin sín, á meðan aðrir vilja halda tímanum óbreyttum, til dæmis svo skíðafólk meðal annars komist í sund eftir að hafa verið upp í fjalli allan daginn.
Bjarki Ármann segir að svipað mál hafi komið upp á Eskirfirði fyrir nokkrum árum og þá hafi það aðalega verið fjölskyldufólk sem hafi verið óánægt með tíman. „Við getum fylgst með hvenær fólk kemur í sund og þar sýndi það sig að flestir voru að um koma kl. 13:00 á laugardögum. Við getum auðvitað haft opið frá 10 til 18 en það kostar sveitafélagið auðvitað meira,“ bætir hann við.
Stefánslaug í Neskaupstað
