Ólafur Bragi Íslandsmeistari
Ólafur Bragi Jónsson, Egilsstöðum, varð um helgina Íslandsmeistari í flokki sérútbúinna bíla í torfæruakstri.
Ólafur Bragi, sem keyrir Trúðinn, varð Íslandsmeistari með eins stigs mun eftir lokakeppnina sem fram fór í Reykjavík um seinustu helgi. Ólafur vann lokakeppnina en helsti keppninautur hans, Gunnar Gunnarsson, varð þriðji. Fellamaðurinn Eyjólfur Skúlason kom upp á milli þeirra og hjálpaði Ólafi þannig til meistaratignar.
