Þrír fyrrum leikmenn Þróttar í karlalandsliðinu í blaki
Íþróttir • This email address is being protected from spambots. You need JavaScript enabled to view it. • Fyrst birt 03. ágú 2022 11:59 • Uppfært 03. ágú 2022 11:59
Þrír fyrrum leikmenn Þróttar Neskaupstað eru í karlalandsliðinu í blaki sem mætir Portúgölum í forkeppni Evrópumótsins í kvöld.
Leikmennirnir eru þeir Ragnar Ingi Axelsson, sem nú spilar með Hamri í Hveragerði, Atli Fannar Pétursson, sem í sumar gekk til liðs við Aftureldingu frá Fylki og Galdur Máni Davíðsson, úr Marienlyst í Danmörku. Ragnar og Atli Fannar eru uppaldir Norðfirðingar en Galdur Máni Seyðfirðingur.
Landsliðið hélt utan í gærkvöldi og spilar gegn Portúgölum klukkan 21:00 að staðartíma í Póvoa de Varzim. Á sunnudag spilar liðið heima gegn Lúxemborg í Digranesi klukkan 15:00.
Leikirnir eru í forkeppni Evrópumótsins 2023.
