Spilað til heiðurs Kristjáni í kvöld
Íþróttir • This email address is being protected from spambots. You need JavaScript enabled to view it. • Fyrst birt 09. nóv 2021 09:52 • Uppfært 09. nóv 2021 09:53
Briddsspilarar á Austurlandi ætla að spila lengur en venjulega í kvöld í minningu Kristjáns Kristjánssonar, sem löngum var áhrifamaður í briddslífi Austurlands.
Austfirskir briddsspilarar hittast vikulega í sal eldri borgara að Melgerði á Reyðarfirði á þriðjudagskvöldum klukkan 19:30.
Í kvöld verður hins vegar byrjað að spila klukkan 18:00. Það er til að heiðra minningu Kristjáns Kristjánssonar, fyrrum forseta Bridgesambands Íslands sem lengi var framarlega í bridgehreyfingunni á Austurlandi en hann hefði orðið áttræður í dag.
„Við komum saman spilarar allt frá Borgarfirði suður á Stöðvarfjörð og það eru allir velkomnir,“ segir Sigurður Hólm Freysson, formaður Bridgefélags Fjarðabyggðar.
Mynd úr safni.
