Raúl Viangre þjálfar blaklið Þróttar á næstu leiktíð
Íþróttir • This email address is being protected from spambots. You need JavaScript enabled to view it. • Fyrst birt 27. maí 2019 09:20 • Uppfært 27. maí 2019 09:52
Blakdeild Þróttar Neskaupstað hefur samið við Spánverjann Raúl Rocha Vinagre um að þjálfa meistaraflokka félagsins á næstu leiktíð auk þess að koma að þjálfun yngri flokka.
Frá þessu er greint í tilkynningu sem félagið sendi frá sér í morgun. Raúl hefur þjálfað frá 18 ára aldri, bæði í yngri flokkum og efstu deildum á Spáni.
Hann er ekki ókunnugur Íslandi þar sem hann þjálfaði og spilaði með Fjallabyggð tímabilið 2017-18.
Raúl mun einnig spila með meistaraflokki karla í stöðu uppspilara og koma að þjálfun 2. – 5. flokks. Hann er væntanlegur til Norðfjarðar í ágúst.
Yfirþjálfari þeirra flokka hefur verið ráðinn Miguel Angel Ramon Melero sem spilaði með karlaliðinu í vetur. Hann heldur því áfram auk þess að þjálfa lið félagsins í 2. deild.
