Leikmaður Hattar sendur heim fyrir ofbeldisbrot

Í tilkynningu sem deildin sendi frá sér í gærkvöldi segir að leikmaðurinn sé farinn frá félaginu og af landi brott, en Pranas er litháískur ríkisborgari.

Þar er hegðun Pranas fordæmd og sagt að hún samræmist í engum gildum eða reglum deildarinnar. Staðfest er að hann hafi orðið uppvís af ofbeldisfullri hegðun og mál hans komið til kasta lögreglu.

Þótt liðið undirbúi mikilvæga leiki í fyrstu deild karla séu gildin ekki lögð til hliðar. Stjórn deildarinnar harmar atvikið og segir að gripið hafi verið til viðeigandi ráðstafana.

Pranas kom til liðsins fyrir yfirstandandi leiktíð en hann hefur leikið átta leiki, skorað í þeim 10,3 stig að meðaltali og tekið 9,3 fráköst.

Höttur er í fimmta sæti deildarinnar en útlit er fyrir hatramma baráttu um efstu liðanna fimm um hvaða tvö þeirra spili í úrvalsdeildinni næsta vetur. Höttur á útileik gegn einu þeirra, Hamri, á föstudag og svo heimaleik gegn því liði sem nú er á toppnum, Þór Akureyri, fimmtudaginn í næstu viku.