Knattspyrnuþjálfarar ráðnir hjá Einherja
Íþróttir • This email address is being protected from spambots. You need JavaScript enabled to view it. • Fyrst birt 16. mar 2021 16:05 • Uppfært 16. mar 2021 16:05
Ungmennafélagið Einherji hefur gengið frá ráðningu þjálfara fyrir bæði karla- og kvennalið félagsins í knattspyrnu fyrir komandi sumar.
Helgi Snær Agnarsson verður spilandi þjálfari meistaraflokks karla. Hann verður 22 ára á árinu og kemur frá Fjölni þótt hann hafi spilaði með Magna á Grenivík síðasta sumar.
„Ég er virkilega spenntur fyrir komandi sumri, að þjálfa og leika fyrir Einherja. Þetta er stórt félag með mikla sögu. Ég mun leggja mig allan fram til þess að sumarið verði sem skemmtilegast og eftirminnilegast,“ er haft eftir Helga í tilkynningu.
Brianna Curtis frá Bandaríkjunum verður spilandi þjálfari meistaraflokks kvenna, en Einherji sendir lið til keppni þar að nýju eftir árs fjarveru. Hún er 24 ára og kemur frá Colorado.
Landa hennar Taryn Siegele verður spilandi aðstoðarþjálfari. Hún hefur spilað í háskólaboltanum vestan hafs auk þess að að leika með Djursjolm í Svíþjóð.
