Heimir hættur hjá Fjarðabyggð
Íþróttir • This email address is being protected from spambots. You need JavaScript enabled to view it. • Fyrst birt 18. sep 2021 17:54 • Uppfært 18. sep 2021 17:55
Heimir Þorsteinsson hefur látið af störfum sem þjálfari Knattspyrnufélags Fjarðabyggðar.
Þetta kemur fram í tilkynningu á Facebook-síðu félagsins að loknum síðasta leik liðsins í sumar.
Þar er Heimi þakkað fyrir framlag hans til félagsins og tekið fram að hann hafi gefið félaginu mikið í gegnum árin þótt verkefni sumarsins hafi ekki gengið upp.
Liðið endaði í 11. sæti annarrar deildar karla og féll. Liðið vann aðeins tvo leiki í sumar og var komið fram í 17. umferð þegar sá fyrri kom.
Síðasti leikurinn var 0-3 ósigur gegn Leikni Fáskrúðsfirði á Eskifjarðarvelli.
