Íþróttir helgarinnar: Þróttur gegn Þrótti
Íþróttir • This email address is being protected from spambots. You need JavaScript enabled to view it. • Fyrst birt 25. okt 2013 13:28 • Uppfært 11. nóv 2013 00:08
Blaklið Þróttar í Neskaupstað taka á móti nafna sínum úr Reykjavík um helgina. Körfuknattleikslið Hattar heimsækir Fjölni í Grafarvogi í fyrstu deild karla.
Fyrsti leikurinn í blakinu verður klukkan 20:00 í kvöld en þá mætast karlaliðin. Þau leika svo aftur klukkan 12:00 á morgun. Kvennaleikurinn hefst klukkan 14:00 eða að karlaleiknum loknum.
Frítt er á leikinn en tekið á móti frjálsum framlögum. Fyrir þá sem ekki komast á leikina má benda á beina vefútsendingu á :http://www.ustream.tv/channel/throtturnesblak
Karlaliðið er í öðru sæti Mikasa-deildarinnar með átta stig eftir fjóra leiki. Kvennaliðið er í öðru sæti með þrjú stig úr einum leik.
Höttur heimsækir Fjölni í Grafarvogi í fyrstu deild karla í körfuknattleik klukkan 19:15. Höttur hefur tapað fyrstu tveimur leikjum tímabilsins.
