Blak: Fyrsti leikur Þróttar og HK í kvöld
Íþróttir • This email address is being protected from spambots. You need JavaScript enabled to view it. • Fyrst birt 02. apr 2013 14:20 • Lorem ipsum dolor sit amet.
Þróttur tekur á móti HK í fyrsta leik liðanna í úrslitum Íslandsmótsins í blaki í íþróttahúsinu í Neskaupstað í kvöld. Það lið sem fyrr vinnur þrjá leiki hampar Íslandsmeistaratitlinum.
Þróttur tryggði sér heimaleikjarétt með því að fara taplaust í gegnum deildarkeppnina. Þróttur vann þar báða leikina gegn HK örugglega, fyrst 1-3 í Kópavogi og síðan 3-0 heima.
HK liðið hefur annars eflst eftir því sem liðið hefur á leiktíðina og náði fram hefndum með sigri á Þrótti í úrslitum bikarkeppninnar nýverið í oddahrinu. Þróttur virtist þá með unninn leik í höndunum eftir að hafa unnið fyrstu hrinurnar tvær.
Leikurinn hefst klukkan 19:30 í kvöld og er frítt á völlinn. Þróttarrásin sýnir leikinn beint á netinu.
