Margir glæsilegir gæðingar á Ístölti Austurlands – myndir
Íþróttir • This email address is being protected from spambots. You need JavaScript enabled to view it. • Fyrst birt 26. mar 2015 11:39 • Uppfært 26. mar 2015 12:02
Hans Kjerúlf á Kjerúlf frá Kollaleiru varð hlutskarpastur á Ístölti Austurlands sem haldið var á Móavatni við Tjarnarland í Eiðaþinghá fyrir skemmstu. Bjart og fallegt veður var á keppnisdaginn sem gerði mótið hið skemmtilegasta.
Hans og Kjerúlf sigruðu í B-flokki með einkunnina 8,74 og opnum flokki þar sem þeir fengu 7,25. Friðrik Reynisson á Glæsi frá Lækjarbrekku 2 varð efstur í A-flokki með 8,53.
Í tölti áhugamanna bar Þuríður Lillý Sigurðardóttir sigur út býtum á Safír frá Sléttu og í keppni 16 ára og yngri var það Elísabet Líf Theodórsdóttir á Vífli frá Íbishóli.
Austurfrétt mætti á svæðið með myndavélina en snævi þakin Dyrfjöllin skörtuðu sínu fegursta í bakgrunni.
Þá fer á morgun fram töltmót Freyfaxa og Fellabakarís í reiðhöllinni á Iðavöllum.
