Körfubolti: Leik Hattar og Þórs frestað
Íþróttir • This email address is being protected from spambots. You need JavaScript enabled to view it. • Fyrst birt 06. feb 2015 16:07 • Uppfært 06. feb 2015 16:07
Leik Hattar og Þórs í fyrstu deild karla í körfuknattleik sem vera átti í kvöld hefur verið frestað til morguns.
Flug milli Egilsstaða og Reykjavíkur liggur niðri vegna óveðurs og því komust dómararnir ekki í leikinn.
Nýr leiktími er klukkan 15:00 á morgun.
Höttur er í efsta sæti deildarinnar með átta stiga forskot en Þór er á botninum. Meðal leikmanna Þórs er Bandaríkjamaðurinn Frisco Sandidge sem spilaði áður með Hetti.
