30 krakkar skráðir á æskulýðsdaga Blæs
Íþróttir • This email address is being protected from spambots. You need JavaScript enabled to view it. • Fyrst birt 12. jún 2014 17:44 • Uppfært 12. jún 2014 17:45
Hestamannafélagið Blær á Norðfirði heldur sína árlegu æskulýðsdaga á Kirkjubólseyrum um helgina. Dagskrá hefst í fyrramálið og eru 30 krakkar skráðir til leiks.
Reiðkennari þetta árið er Reynir Atli Jónsson. Allir krakkar að 18 ára aldri sem geta útvegað sér reiðskjóta eru velkomnir.
Á æskulýðsdögum dvelja þátttakendur á félagssvæðinu allan tímann og gista í tjöldum ef veður leyfir en annars í félagshúsinu. Ekki þarf að taka með sér nesti og þátttaka er ókeypis.
Ýmislegt skemmtilegt verður á dagskrá með hestamennskunni, farið verður í sund, ýmiskonar hópastarf, óvissuferð, grillað, haldnar kvöldvökur o.fl.
Þórhalla Ágústsdóttir, æskulýðsfulltrúi Blæs, segir að bæði vanir og óvanir séu skráðir til leiks og búast megi við miklu fjöri.
Þetta sé í fyrsta sinn sem hestamannafélagið heldur æskulýðsdaga með nýja fullbúna reiðhöll á staðnum svo ekki muni væsa um börnin.
Frá æskulýðsdögum Blæs 2012. Mynd: Hestamannafélagið Blær
