Fjórði leikur Þróttar gegn Aftureldingu í kvöld: Úrslitastund fyrir Þrótt
Íþróttir • This email address is being protected from spambots. You need JavaScript enabled to view it. • Fyrst birt 22. apr 2014 11:11 • Uppfært 22. apr 2014 11:33
Þróttur Neskaupstað þarf á sigri að halda í kvöld þegar liðið mætir Aftureldingu í Neskaupstað í fjórða leik liðanna um Íslandsmeistaratitilinn í blaki kvenna. Gestirnir hampa titlinum ef þeir vinna í kvöld.
„Það er algjörlega að duga eða drepast núna," segir Matthías Haraldsson, þjálfari Þróttar.
Þróttur vann fyrsta leikinn í Mosfellsbæ en Afturelding næstu tvo þar sem Þróttarliðið var langt frá sínu besta. Átta dagar eru frá síðasta leik og þá hefur verið reynt að nota til æfinga.
„Stemmingin í hópnum er góð og æfingar hafa gengið vel um páskana," segir Matthías.
Hann segir tvo leikmenn tæpa vegna meiðsla og þátttaka þeirra komi í ljós í upphitun.
Hann segir stuðning Austfirðinga vera mikilvægan á leiknum í kvöld. „Við vonumst eftir fullu húsi og látum."
Leikurinn hefst klukkan 19:30.
