Íþróttir helgarinnar: Austfirsku liðin á faraldsfæti
Íþróttir • This email address is being protected from spambots. You need JavaScript enabled to view it. • Fyrst birt 07. feb 2014 10:09 • Uppfært 07. feb 2014 10:10
Karlalið Þróttar í blaki spilar tvo útileiki í úrvalsdeild karla í blaki í Kópavogi um helgina og yngri flokkar félagsins spila í bikarmóti í Árbæ. Körfuknattleikslið Hattar heimsækir Hamar í Hveragerði í kvöld.
Þróttur mætir toppliði HK í úrvalsdeild karla í körfuknattleik í Fagralundi um helgina. Fyrri leikurinn verður í kvöld klukkan 20:15 en sá seinni á morgun klukkan 13:00.
Þróttur sendir lið til keppni í 2. og 3. flokki stúlka á bikarmóti sem fram fer í Fylkishöll í Árbæ. Annars flokks liðið spilar á morgun en þriðja flokks liðið á sunnudag.
Höttur heimsækir Hamar í Hveragerði í fyrstu deild karla í körfuknattleik í kvöld sem hefst klukkan 19:15. Höttur hefur unnið síðustu þrjá leiki og er komið í þriðja sæti deildarinnar með sextán stig. Hamar hefur hins vegar farið hægt af stað eftir áramót og er með tíu stig í áttunda sæti.
