Norðfjarðargöng

Kjarnaborun í Norðfjarðargöngum

juni03062014 1Ákveðið var að fara í frekari rannsóknir á því sem framundan er í jarðgangagreftrinum á báðum stöfnum, svo verktakinn hafi sem bestar upplýsingar við vinnslu ganganna.

Jarðlögin halla um 6-8° til suðvesturs á þessu svæði. Það hefur í för með sér, að í gangahlutanum sem grafinn er frá Eskifirði, koma ný jarðlög í ljós í gólfi ganganna og hækka svo smátt og smátt í sniðinu, uns þau hverfa upp úr þekju ganganna.

Í Fannardal koma ný jarðlög í ljós í þekju ganganna. Það er því ljóst að það er mikilvægt að vita fyrirfram með eins mikilli nákvæmni og unnt er hvenær veikari jarðlaga er að vænta í þak ganganna.

Sú vitneskja hefur verið fengin með tvennum hætti: Annars vegar á hönnunarstigi með yfirborðsrannsóknum og kjarnaborunum og hins vegar við gangagröftinn með því að bora könnunarholur fram yfir stafninn, 25 metra í senn.

Nýlega var þó ákveðið að styrkja þá mynd sem kjarnaborun og rannsóknir á yfirborði gaf, með því að bora sams konar kjarnaholur innan úr göngunum. Fannardalsmegin er borað 45° upp á við í stefnu ganganna og verður farið í gegnum sömu jarðlög og komu fram í fyrri kjarnaborun.

Þannig verður hægt að ákvarða betur halla þeirra og stefnu og staðsetja mun nákvæmar í líkönum. Það verða einnig gerðar fleiri prófanir á berginu, svo menn geti verið sem best undirbúnir undir það sem koma skal. Hið sama verður svo gert Eskifjarðarmegin, nema að þar verður borað lóðrétt niður.

Mynd 1: Verið er að stilla borinn af í stefnu ganganna og 45° upp á við.

Mynd 2: Bormenn að störfum.

Mynd 3: Starfsmaður verktaka (t.v.) ásamt Gísla Eiríkssyni frá Vegagerðinni og Ágústi Guðmundssyni jarðfræðingi (t.h.) að skoða kjarna.

Myndir: Ófeigur Ö. Ófeigsson/Hnit

juni03062014 2juni03062014 3

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.