Kristína EA 410 kom í dag með tæp tvö þúsund tonn af frystum afurðum til Neskaupstaðar sem veiddar voru á sex dögum. Ekki mun hafa áður verið landað hérlendis jafn miklum afla sem frystur hefur verið á svo stuttum tíma.
Stjórn skógræktarstöðvarinnar Barra fór fram á að fyrirtækið yrði tekið til gjaldþrotaskipta í byrjun vikunnar. Framkvæmdastjóri félagsins segir mikinn samdrátt í skógrækt eftir hrun hafa grafið undan verkefnastöðu fyrirtækisins. Hann vonast að hægt verði að halda verkefnum félagsins á svæðinu.
Austurbrú hefur tekið við umsjón Sjálfbærniverkefnis Alcoa og Landsvirkjunar á Austurlandi af Þekkingarsetri Þingeyinga. Verkefnisstjórinn segir að verið sé að þróa verðmætt og einstakt gagnasafn.
Gert er ráð fyrir um 25 milljóna króna afgangi af rekstri Djúpavogshrepps á árinu. Sveitarstjórnarmenn eru ánægðir með þann árangur sem náðst hefur í rekstri sveitarfélagsins á undanförnum árum.
Framboðslisti Vinstrihreyfingarinnar-græns framboðs í Norðausturkjördæmi fyrir Alþingiskosningarnar í vor var samþykktur á aukakjördæmisþingi hreyfingarinnar sem haldið var á Akureyri í dag. Formaðurinn Steingrímur J. Sigfússon leiðir listann. Þuríður Backman, sem hættir á þingi í vor, er í átjánda sæti.
Hreppsnefnd Fljótsdalshrepps gerir ráð fyrir að rekstur sveitarfélagsins verði við núllið á þessu ári. Stærstu framkvæmdirnar eru á sviði samgöngumála og uppbyggingar í ferðaþjónustu.
Óvenjuhátt flúorgildi mælist í sláturfé og grasbítum í Reyðarfirði. Ekki hafa fundist merki um eitrun en sérfræðingar telja ástæðu til að fylgjast áfram með dýrunum. Of mikill flúor fór út frá álveri Alcoa Fjarðaáls síðasta sumar þar sem mengunarbúnaður bilaði.
Verktaka- og jarðvinnufyrirtækið Bragasynir á Eskifirði hefur verið úrskurðað gjaldþrota. Fyrirtækið hefur ekki skilað ársreikningum til opinberra aðila síðan það var stofnað.
Hegningarlagabrot eru hvergi hlutfallslega færri á Íslandi heldur en á Austurlandi þrátt fyrir að þeim hafi fjölgað í fjórðungnum árið 2011 samanborið við árin tvö á undan. Umferðarlagabrotum fækkaði en þau eru algeng á svæðinu.
Vatnsyfirborð Jökulsár í Fljótsdal, Lagarins og Lagarfljóts hefur almennt hækkað meira eftir tilkomu Kárahnjúkavirkjunar en áætlanir gerðu ráð fyrir. Þetta á einkum við um Úthérað. Rennsli vatnsfallanna er hins vegar jafnara en áður. Áhyggjur eru af hækkun grunnvatns á náttúruminjar.
Heilbrigðiseftirlit Austurlands hefur hafnað umsóknum um fimmtán starfsleyfi fyrir allt að 200 tonna fiskeldi í Berufirði, Fáskrúðsfirði og Reyðarfirði. Eftirlitið telur að gengið væri mjög nærri burðarþoli svæðanna með úthlutun leyfanna.
