Nýliðinn júnímánuður er einn sá hlýjasti sem mælst hefur á austfirskum veðurstöðvum. Hann var til dæmis sá sjötti heitasti á Teigarhorni frá því mælingar þar hófust árið 1872.
Heilbrigðisráðherra hefur skipað Kristínu Björgu Albertsdóttur í embætti forstjóra Heilbrigðisstofnunar Austurlands til fimm ára. Hún var önnur af tveimur umsækjendum sem sérstök hæfnisnefnd taldi hæfasta í embættið.
Borgarfjarðarhreppur tók á móti Bláfánanum í tíunda sinn fyrir skemmstu. Fáninn er alþjóðleg viðurkenning sem veitt er smábátahöfnum og baðströndum fyrir markvissa umhverfisstjórnun.
Norðfirðingar héldu upp á 90 ára afmæli íþróttafélagsins Þróttar fyrir skemmstu. Fyrrverandi formaður segir forustuna sem félagið hafði um byggingu sundlaugarinnar í miðbænum eitt mesta afrekið í sögu þess.
Innanríkisráðuneytið vinnur nú að greiningu á mikilvægi innanlandsflugs fyrir hinar dreifðu byggðir landsins. Starfsmenn ráðuneytisins hafa undanfarið verið á ferð og flugi um landið að ræða málefni innanlandsflugs við íbúa og fyrirtæki á landsbyggðinni.
Sjálfsafgreiðslustöð olíufélagsins N1 á Reyðarfirði var lokuð í tæpan sólarhring því fyrirtækið hafði ekki uppfyllt skilyrði starfsleyfis. Fyrirtækinu var í morgun veittur frestur út næstu viku til úrbóta.
Góð nýting er á almenningssamgöngum á Austurlandi en Strætisvagnar Austurlands (SvAust) hófu formlega göngu sína í byrjun júní. Það er fyrsta heildstæða almenningssamgöngukerfið sem þjónar fjórðungnum í heild sinni.
Veðurstofan og Vegagerðin vara ferðafólk við hvassviðri sem spáð er á morgun. Óvenju kröpp lægð er á leið til landsins sem setja mun svip sinn á veðrið næstu tvo daga.